ᠭᠡᠭᠡ Гэгээ

Light᠂光᠂Lumière᠃

ᠪᠦᠬᠦ ᠬᠡᠯᠡ᠎ᠳᠦ ᠵᠠᠮ᠎ᠢᠶᠠᠨ ᠣᠯᠬᠤ᠎ᠳᠤ ᠴᠢᠨᠢ ᠲᠤᠰᠠᠯᠠᠬᠤ᠂ ᠬᠠᠷᠠᠩᠬᠤᠢ᠎ᠶᠢ ᠭᠡᠷᠡᠯᠲᠦᠭᠦᠯᠬᠦ ᠵᠦᠢᠯ᠎ᠢ ᠨᠡᠷᠡᠯᠡᠭᠰᠡᠨ ᠦᠭᠡ ᠪᠠᠢᠳᠠᠭ᠃ ᠮᠣᠩᠭᠤᠯ ᠬᠡᠯᠡ᠎ᠳᠦ ᠲᠡᠷᠡ ᠦᠭᠡ ᠪᠣᠯ «ᠭᠡᠭᠡ»᠃ Бүх хэлэнд замаа олоход чинь туслах, харанхуйг гэрэлтүүлэх зүйлийг нэрлэсэн үг байдаг. Монгол хэлэнд тэр үг бол «Гэгээ».

ᠡᠭᠦᠨ᠎ᠳᠦ ᠶᠠᠮᠠᠷ ᠨᠢᠭᠡᠨ ᠰᠦᠷᠵᠢᠨ ᠲᠡᠦᠬᠡ᠂ ᠡᠰᠪᠡᠯ ᠲᠥᠪᠡᠭ᠎ᠲᠡᠢ ᠹᠢᠯᠣᠰᠣᠹᠢ ᠪᠠᠢᠬᠤ ᠦᠭᠡᠢ᠃ ᠣᠯᠠᠨ ᠵᠢᠯ ᠰᠡᠳᠬᠢᠯ᠎ᠳᠦ᠎ᠪᠡᠨ ᠲᠡᠭᠡᠵᠦ ᠶᠠᠪᠤᠭᠰᠠᠨ ᠡᠨᠡ ᠦᠭᠡ᠎ᠪᠡᠷ᠎ᠢᠶᠡᠨ ᠬᠢᠵᠦ ᠪᠤᠢ ᠵᠦᠢᠯᠡᠰ᠎ᠢᠶᠡᠷ᠎ᠢᠶᠡᠨ ᠶᠢᠷᠲᠢᠨᠴᠦ᠎ᠶᠢ ᠢᠯᠡᠭᠦᠦ ᠭᠡᠭᠡ᠎ᠲᠡᠢ ᠪᠣᠯᠭᠠᠬᠤ᠎ᠶᠢ ᠪᠡᠯᠭᠡᠰᠢᠶᠡᠭᠰᠡᠨ ᠶᠤᠮ᠃ Үүнд ямар нэгэн сүржин түүх, эсвэл төвөгтэй философи байхгүй. Олон жил сэтгэлдээ тээж явсан энэ үгээрээ хийж буй зүйлсээрээ ертөнцийг илүү гэгээтэй болгохыг бэлгэшээсэн юм.

ᠰᠲ᠋ᠦ᠋ᠳᠢ Студи

ᠭᠡᠭᠡ ᠪᠣᠯ ᠤᠯᠠᠭᠠᠨᠪᠠᠭᠠᠲᠤᠷ᠎ᠠᠴᠠ ᠭᠠᠷᠤᠭ᠎ᠠ᠎ᠪᠠᠨ ᠡᠬᠢᠯᠡᠵᠦ ᠪᠤᠢ ᠬᠣᠶᠠᠷ ᠨᠠᠢᠵᠠ᠎ᠶᠢᠨ ᠪᠦᠲᠦᠭᠡᠯᠴᠢ ᠰᠲ᠋ᠦ᠋ᠳᠢ — Гэгээ бол Улаанбаатараас гараагаа эхэлж буй хоёр найзын бүтээлч студи — sadespresso— Instagram (@sadespresso) ᠪᠣᠯᠤᠨ болон sunarkchive— Instagram (@sunarkchive)᠃.

ᠪᠢᠳᠠ ᠬᠦᠮᠦᠨ᠎ᠢ ᠬᠦᠨᠳᠦᠳᠬᠡᠭᠰᠡᠨ᠂ ᠠᠰᠢᠭᠯᠠᠬᠤ᠎ᠳᠤ ᠬᠢᠯᠪᠠᠷ ᠪᠦᠲᠦᠭᠡᠯ᠎ᠦᠳ ᠤᠷᠠᠯᠠᠬᠤ᠂ ᠪᠣᠯᠪᠠᠰᠤᠷᠠᠯ᠎ᠤᠨ ᠬᠦᠷᠲᠡᠭᠡᠮᠵᠢ᠎ᠶᠢ ᠲᠡᠯᠡᠬᠦ᠂ ᠮᠥᠨ ᠵᠦᠭᠡᠷ ᠯᠡ ᠳᠣᠭᠢ ᠵᠦᠢᠯᠡᠰ ᠬᠢᠬᠦ ᠭᠡᠰᠡᠨ ᠡᠩ᠎ᠦᠨ ᠪᠥᠭᠡᠳ ᠲᠣᠳᠤᠷᠬᠠᠢ ᠦᠨᠡᠳᠦ ᠵᠦᠢᠯ᠎ᠢᠶᠡᠷ ᠨᠢᠭᠡᠳᠦᠭᠰᠡᠨ ᠶᠤᠮ᠃ ᠬᠡᠷᠡᠭᠴᠡᠭᠡ᠎ᠲᠡᠢ᠂ ᠭᠣᠶᠤ ᠵᠦᠢᠯᠡᠰ᠎ᠢ ᠴᠢᠨᠠᠷ᠎ᠲᠠᠢ ᠪᠦᠲᠦᠭᠡᠵᠦ᠂ ᠪᠣᠳᠠᠲᠤ ᠦᠨ᠎ᠡ ᠴᠡᠨ᠎ᠡ ᠣᠯᠭᠤᠬᠤ᠎ᠶᠢ ᠵᠣᠷᠢᠨ᠎ᠠ᠃ Бид хүнийг хүндэтгэсэн, ашиглахад хялбар бүтээлүүд урлах, боловсролын хүртээмжийг тэлэх, мөн зүгээр л догь зүйлс хийх гэсэн энгийн бөгөөд тодорхой үнэт зүйлээр нэгдсэн юм. Хэрэгцээтэй, гоё зүйлсийг чанартай бүтээж, бодит үнэ цэнэ олгохыг зорино.

ᠠᠯᠤᠰ᠎ᠢ ᠵᠣᠷᠢᠵᠤ ᠪᠤᠢ ᠡᠨᠡ ᠵᠠᠮ᠎ᠳᠤ ᠪᠢᠳᠠᠨ᠎ᠲᠡᠢ ᠨᠢᠭᠡᠳᠬᠦ᠂ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠬᠦᠰᠡᠯ᠎ᠲᠡᠢ ᠬᠡᠨ ᠪᠦᠬᠦᠨ᠎ᠳᠦ ᠮᠠᠨᠠᠢ ᠡᠭᠦᠳᠡ ᠨᠡᠭᠡᠭᠡᠯᠲᠡ᠎ᠲᠡᠢ᠃ Алсыг зорьж буй энэ замд бидэнтэй нэгдэх, хамтран ажиллах хүсэлтэй хэн бүхэнд манай үүд нээлттэй.

ᠰᠠᠨᠠᠯ ᠪᠣᠳᠤᠯ᠎ᠢᠶᠠᠨ ᠬᠤᠪᠢᠶᠠᠯᠴᠠᠬᠤ ᠪᠣᠯ Санал бодлоо хуваалцах бол: hello@gege.mn

ᠡᠨᠡ ᠪᠣᠯ ᠪᠢᠳᠡᠨ᠎ᠤ ᠰᠣᠩᠭᠤᠯᠲᠠ Энэ бол бидний сонголт

ᠡᠨᠡᠬᠦ ᠣᠷᠤᠨ ᠵᠠᠢ᠎ᠳᠤ ᠬᠡᠯᠡ ᠰᠣᠯᠢᠬᠤ ᠲᠣᠪᠴᠢᠯᠠᠭᠤᠷ ᠪᠠᠢᠬᠤ ᠦᠭᠡᠢ᠃ ᠪᠦᠬᠦ ᠵᠦᠢᠯ ᠵᠥᠪᠬᠡᠨ ᠮᠣᠩᠭᠤᠯ ᠪᠢᠴᠢᠭ᠎ᠢᠶᠡᠷ ᠪᠢᠴᠢᠭᠳᠡᠨ᠎ᠡ᠃ Энэхүү орон зайд хэл солих товчлуур байхгүй. Бүх зүйл зөвхөн монгол бичгээр бичигдэнэ.

ᠲᠧᠬᠨᠤᠯᠤᠭᠢ᠎ᠶᠢᠨ ᠰᠲ᠋ᠠᠨ᠋ᠳᠠᠷᠲ᠂ ᠬᠠᠢᠯᠲᠠ᠎ᠶᠢᠨ ᠰᠢᠰᠲ᠋ᠧᠮ᠎ᠳᠦ ᠲᠠᠭᠠᠷᠠᠭᠤᠯᠬᠤ ᠭᠡᠬᠦ ᠮᠡᠲᠦ ᠬᠡᠪᠰᠢᠮᠡᠯ ᠳᠦᠷᠢᠮ᠎ᠳᠦ ᠪᠠᠷᠢᠭᠳᠠᠬᠤ ᠦᠭᠡᠢ ᠪᠠᠢᠬᠤ ᠨᠢ ᠲᠣᠳᠤᠷᠬᠠᠢ ᠬᠡᠮᠵᠢᠶᠡᠨ᠎ᠦ ᠡᠷᠦᠰᠳᠡᠯ᠎ᠲᠡᠢ᠎ᠴᠦ ᠪᠣᠰᠤᠭ᠎ᠠ ᠮᠣᠩᠭᠤᠯ ᠪᠢᠴᠢᠭ ᠪᠣᠯ ᠪᠢᠳᠠ ᠥᠪᠡᠷᠰᠡᠳ᠎ᠢ᠋᠎ᠪᠡᠨ ᠢᠯᠡᠷᠬᠡᠢᠯᠡᠬᠦ ᠬᠠᠮᠤᠭ᠎ᠤᠨ ᠦᠨᠡᠨ᠂ «ᠥᠪᠡᠷ᠎ᠦᠨ» ᠠᠷᠭ᠎ᠠ ᠶᠤᠮ᠃ ᠲᠡᠭᠡᠭᠡᠳ᠎ᠴᠦ ᠦᠨᠡᠬᠡᠷ ᠳᠣᠭᠢ ᠬᠠᠷᠠᠭᠳᠠᠵᠤ ᠪᠠᠢᠭ᠎ᠠ ᠪᠢᠵᠡ？ Технологийн стандарт, хайлтын системд тааруулах гэх мэт хэвшмэл дүрэмд баригдахгүй байх нь тодорхой хэмжээний эрсдэлтэй ч, босоо монгол бичиг бол бид өөрсдийгөө илэрхийлэх хамгийн үнэн, «өөрийн» арга юм. Тэгээд ч, үнэхээр догь харагдаж байгаа биз?

ᠥᠨᠦᠳᠦᠷ ᠴᠠᠬᠢᠮ ᠣᠷᠴᠢᠨ᠎ᠳᠤ ᠦᠨᠳᠦᠰᠦᠨ᠎ᠦ ᠪᠢᠴᠢᠭ᠎ᠢᠶᠡᠷ᠎ᠢᠶᠡᠨ ᠪᠦᠲᠦᠭᠡᠭᠰᠡᠨ ᠣᠷᠤᠨ ᠵᠠᠢ ᠳᠡᠭᠡᠷᠡᠳᠡᠬᠦ ᠦᠭᠡᠢ ᠴᠥᠭᠡᠭᠡᠨ ᠪᠠᠢᠨ᠎ᠠ᠃ ᠪᠢᠳᠠ ᠡᠨᠡᠬᠦ ᠬᠠᠭᠤᠳᠠᠰᠤᠨ᠎ᠳᠤ ᠭᠠᠷᠬᠤ ᠪᠦᠬᠦ ᠨᠡᠢᠲᠡᠯᠡᠯ᠎ᠢᠶᠡᠨ ᠮᠣᠩᠭᠤᠯ ᠪᠢᠴᠢᠭ᠎ᠢᠶᠡᠷ ᠲᠤᠭᠤᠷᠪᠢᠵᠤ᠂ ᠳᠣᠲᠤᠭᠠᠳᠤ᠎ᠶᠢᠨ ᠳ᠋ᠢᠵᠢᠲᠠᠯ ᠣᠷᠴᠢᠨ᠎ᠳᠤ ᠥᠪᠡᠷᠰᠡᠳ᠎ᠦᠨ ᠬᠤᠪᠢ ᠨᠡᠮᠡᠷᠢ᠎ᠶᠢ ᠣᠷᠤᠭᠤᠯᠬᠤ ᠪᠣᠯᠤᠨ᠎ᠠ᠃ Өнөөдөр цахим орчинд үндэсний бичгээрээ бүтээсэн орон зай дээрдэхгүй цөөн байна. Бид энэхүү хуудсанд гарах бүх нийтлэлээ монгол бичгээр туурвиж, дотоодын дижитал орчинд өөрсдийн хувь нэмрийг оруулах болно.